कैयौं पटक समस्यामा परेका साथीलाई हामी सहजै सल्लाह दिन्छौ । तर जब हामी आफैँ समस्यामा पर्छौ त्यसबेलामा भने हामी विवेक प्रयोग गरी सही फैसला लिन सक्दैनौं । यस्तो स्थितीमा आचार्य चाणक्यद्धारा मनुष्य कल्याणमा भनिएका कुराहरु उपयोगी हुन सक्छ ।

चाणक्यले आफ्नो नीति शास्त्रमा कैयौं यस्ता नीति बताउका छन् जसलाई अपनाएर व्यक्ति सफलता प्राप्त गर्न सक्छ । चाणक्यले अप्ठेरा परिस्थीतीमा कसरी विवेकले काम गर्दैन र यस्तोमा के गर्ने भनेर चर्चा गरेका छन् ।

चाणक्य नीति शास्त्रमा आचार्य चाणक्यले पाँचौं अध्यायको तेस्रो श्लोकमा भनेका छन् :

तावद् भयेषु भेतव्यं यावद् भयमनागतम् ।
आगतं तु भयं दृष्ट्वा प्रहर्तव्यमशङ्कया ।।

अर्थात – कुनै पनि दुख, समस्या वा आपतको समयमा केवल त्यसबेला सम्म डराउनु पर्दछ जबसम्म त्यो हामीबाट टाढा रहन्छ । तर जब संकट वा समस्या जीवनमा आइपर्छ त्यस समयमा निडर भई बिना कुनै शंका त्यसमाथि प्रहार गरी ति समस्याको सामना गर्नु पर्दछ । समस्या वा संकटबाट छुटकारा पाउने यो मात्र एक बाटो हो । यस्तो गर्ने मानिस मात्र बुद्धिमान मानिन्छ ।

यस अलावा चाणक्य नीतिको पहिलो अध्यायको सातौं श्लोकमा आचार्य चाणक्यले भनेका छन् :
आपदर्थे धनं रक्षेच्छ्रीमतां कुत आपदः ।
कदाचिच्चलिता लक्ष्मीः सञ्चितोऽपि विनश्यति ।।

अर्थात – व्यक्तिको भविष्यमा आउने कुनै संकट वा समस्यासंग जुध्न धनको सञ्चय गर्न आवश्यक छ । धनको सञ्चय यस कारण किनभने धन अर्थात देवी लक्ष्मीको स्वभाव चञ्चल हुने भएकाले हरेक समयमा यो एकै स्थान अडि नरहन सक्छ । साथै कुनै यस्तो समय पनि आउन सक्छ जुन बेला जम्मा गरीएको धन नष्ट हुनसक्छ । त्यसैले यस्तो अवस्था आउनु अघि नै धनको बचत गर्न जरुरी छ ।

फेसबुकमा प्रतिक्रिया दिनुहोस

धेरै पढिएको

सम्बन्धित खवर

ताजा समाचार

लोकप्रिय